Falë bashkëpunimit mes Interpol Tirana dhe atij në Itali është bërë i mundur ekstradimi në Shqipëri i një të kërkuari për trafik njerëzish. 27-vjeçari nda Durrësi me inicialet E. S., ishte shpallur në kërkim nga policia e shtetit gjatë operacionit të koduar “One If - By Land”, në kuadër të goditjes së kontrabandimit të personave me qëllim emigrimin drejt SHBA-së, Kanadasë dhe Mbretërisë së Bashkuar.
Personi në fjalë ishte shpallur në kërkim ndërkombëtar, pasi Gjykata kishte dhënë për të masën e sigurisë “Arrest në burg”, duke e shpallur fajtor për veprën penale “Ndihma për kalim të paligjshëm të kufijve”, kryer në formën e grupit të strukturuar kriminal.
Policia në njoftimin e saj bën me dije se gjatë periudhës 2016-2017, 27-vjeçari durrsak në bashkëpunim me persona te tjerë, në kuadër të grupit të strukturuar kriminal, ka kryer kontrabandim të shtetasve shqiptare drejt SHBA-së, Mbretërisë së Bashkuar dhe Kanadasë, me karta identiteti të falsifikuara, kundrejt pagesës deri në 25000 dollarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.