.png)
Një 32-vjeçar nga Bangladeshi është arrestuar, pasi u kap duke transportuar emigrantë të paligjshëm kundrejt pagesës në Gjirokastër.
I riu u pikas në afërsi të fshatit Dervician në kuadër të operacionit të koduar “Muzgu”
Nga hetimet e kryera, ka rezultuar se në bashkëpunim me persona të tjerë kanë transportuar në periudha të ndryshme emigrantë të paligjshëm nga vendet e treta.
32-vjeçari i kalonte emigrantët nga kufiri i gjelbër me Greqinë në qytetin e Gjirokastrës dhe më pas në drejtim të Tiranës, kundrejt shumës 250 euro për person.
Ndërkohë, në Korçë, një person ka rënë në pranga, pasi u kap duke transportuar tre emigrantë të paligjshëm. Bëhet me dije se 37-vjeçari E.Sh., banues në Elbasan është arrestuar në aksin rrugor Pogradec-Qafë Thanë. Ndërkohë në kërkim është shpallur bashkëpunëtorja e tij 35-vjeçe, K.B., banuese në Korçë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
