Gazeta Si – Mesfushori gjerman i Real Madridit u vërshëllye nga tifozët arabë për shkak të deklaratave të tij për çështjen ‘Gabri Veiga’. Ai ka reaguar në stilin e vet në rrjetet sociale, ku shkruan: "Ishte argëtuese”.
Polemika mes Toni Kros dhe publikurt arab. Gjermani nuk u prit mirë, u vërshëllye në momentin e hyrjes në fushë gjatë ndeshjes Real Madrid-Atletiko Madrid, gjysmëfinalja e parë e Superkupës së Spanjës, që po zhvillohet këto ditë në Arabinë Saudite.
Tifozët sauditë nuk i kanë harruar kurrë deklaratat e Kros pas trasferimit në Arabi të Gabri Veigas (që në verë zgjodhi Al Ahli pas dy sezonesh te Celta Vigo). Mesfushori e quajti pa sens atë lëvizje.
Pasi hyri në fushë në vend të Modriç, Kros u vërshëllye gjithë kohën nga tifozët vendës, ndërsa Reali fitoi në shtesë dhe kaloi në finale. Pas ndeshjes Kros vendosi të hiqte ndonjë ‘gur nga këpucët’, duke përdorur armën e sarkazmës. "Ishte një mbrëmje argëtuese! Turmë e mrekullueshme”, - ishte mesazhi i gjermanit në rrjetet sociale, i shoqëruar nga një emoji me sytë në formë zemre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.