.png)
Gazeta Si – Pas ‘Topit të Artë’, ja ku vjen edhe një tjetër vlerësim i madh për futbollin argjentinas që luan në MLS me Inter Majemin.
Lionel Mesi është zgjedhur "Sportisti i vitit" nga revista e njohur Time. Futbollisti që ka fituar gjithçka në karrierë, në nivel klubesh dhe kombëtaresh, shton kështu edhe një tjetër çmim prestigjioz në listën e tij të gjatë të triumfeve. I fundit në këtë listë ishte ‘Topi i Artë’, që ai e fitoi për herë të 8-të.
Mesi është sportisti i 5-të që e fiton këtë çmim, që ka filluar të jepet prej vitit 2019 nga revista e famshme amerikane. Prej vitit 1927 kjo revistë zgjedh "Njeriun e vitit".
Fituesit e mëparshëm të ‘Sportistit të vitit’
2019: Kombëtarja amerikane e futbollit
2020: LeBron Xhejms (basketboll)
2021: Simone Biles (gjimnastikë artistike)
2022: Aron Judge (bejsboll)
Lionel Messi is TIME's 2023 Athlete of the Year https://t.co/qPR75Hgt6f pic.twitter.com/EXqxl08lZN
— TIME (@TIME) December 5, 2023
Gjatë intervistës së dhënë pas marrjes së çmimit, Mesi ka folur edhe për zgjedhjen për të kaluar në Majemi, kur i skadoi kontrata me PSG-në. "E vërteta është se kisha disa opsione interesante në tavolinë dhe duhej të vlerësoja me kujdes bashkë me familjen time. Opsioni i parë ishte kthimi te Barcelona, por nuk ishte e mundur. U mundova, por nuk ndodhi. Edhe Arabia Saudite ishte një variant që më tërhiqte, sepse kanë bërë shumë për futbollin, por vendosa për Majemin”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
