.png)
Gazeta Si – Një konflikt mes dy të burrave ka përfunduar në plagosje më thikë në zonën e Kombinatit në Tiranë, ku shkak kanë qenë motivet banale.
Mësohet se autori 55-vjeçar, është arrestuar nga policia, ndërsa vijojnë hetimet për të përcaktuar motivet e plota të ngjarjes.
Sipas policisë, rreth orës 08:50, është paraqitur në spital, i dyshuar i dëmtuar me mjet prerës, A.A., 61 vjeç, banues në Kombinat, i cili është jashtë rrezikut për jetën.
Menjëherë pas marrjes së njoftimit, policia identifikoi dhe arrestoi në flagrancë autorin e dyshuar, E.M., 55 vjeç, banues në Kombinat.
Gjatë kontrollit fizik, këtij shtetasi iu gjet një mjet prerës (thikë), i cili u sekuestrua në cilësinë e provës materiale.
Sipas informacioneve paraprake, dy burrat kanë qenë duke konsumuar kafe dhe alkool, kur mes tyre ka nisur një debat për motive të dyshuara banale. Situata ka degraduar, ndërsa njëri prej tyre ka nxjerrë një thikë dhe ka goditur shokun e tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje