.png)
Gazeta Si – Tirana nuk mund të afrojë lojtarë, sepse për momentin e ka merkaton të bllokuar, por në anën tjetër mund të shesë. Dhe shitja e radhës, pas Florent Hasanit që kaloi në Rumani, është braziliani Kaina Nunjesh.
Sulmuesi shtatlartë ka arritur një akord për transferimin në Korenë e Jugut, te Chungnam Asan FC, që merr pjesë në ligën e dytë të vendit, ku luan edhe lojtari i Kombëtares, Jasir Asani. Klubi i Tiranës humbet një sulmues që këtë sezon ka shënuar 4 gola, por përfiton financiarisht.
Nga shitja e Nunjesh, nën kontratë me bardheblutë, pritet që Tirana të fitojë rreth 75 mijë euro. Nuk është një shifër e lartë në fakt, por Kaina Nunjesh nuk ka qenë titullar me skuadrën e drejtuar nga trajneri Ahmataj.
Para Tiranës, braziliani është aktivizuar edhe me Besën, Kastriotin dhe Vllazninë. Me largimin e tij, Tirana mbetet pa një qendërsulmues tipik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
