.png)
Diego Maradona thumbon sërish. Në një intervistë të fundit për “France Football” ai ka folur për lojtarët më të mirë të momentit, por edhe për episodin e famshëm të golit me dorë ndaj Anglisë në Botërorin e 1986-ës.
“Mesi dhe Ronaldo, Ronaldo dhe Mesi… Për mua, këta dy lojtarë janë superiorë ndaj të tjerëve. Nuk shoh askënd që t’u afrohet dhe askush nuk bën as gjysmën e saj që bëjnë ata të dy”, - u shpreh Maradona për prestigjiozen franceze. Më pas, kampioni i botës me Argjentinën kujton ‘mano di Dio’ (dorën e Zotit): “Ëndërroj t’i shënoj një tjetër gol Anglisë, por këtë herë me dorën e djathtë!”
Në çerekfinalet e Botërorit të 1986-ës Maradona realizoi një gol ndaj Anglisë me dorën e majtë. Arbitri mendoi se argjentinasi goditi me kokë dhe e konsideroi të rregullt golin. Në atë ndeshje Argjentina e mundi Anglinë 2-1, ndërsa në finale fitoi ndaj Gjermanisë, duke u shpallur kampione bote. Maradona u shpall lojtari më i mirë Botërorit të Meksikës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
