Pas tërmeteve që goditën vendin tonë fundjavën që kaloi dhe që pasuan edhe përmbytjet, Ambasadori i Bashkimit Europian në Shqipëri, Luigi Soreca, ka reaguar përmes një statusi “Twitter”.
Soreca thekson se vendet e unionit kanë shprehur gatishmëri të plotë për të ndihmuar të prekurit.
“BE-ja qëndron në solidaritet me Shqipërinë në këtë kohë të vështirë pas tërmetit dhe mbështetja e konsiderueshme e BE është tashmë në rrugën e saj në Shqipëri. Disa shtete anëtare të BE po bashkohen në përpjekjet e ndihmës”, shkruan Luigi Soreca në “Twitter”.
Edhe Komisioneri për Ndihmën Humanitare dhe Menaxhimin e Krizave, Christos Stylianides, tha se Bashkimi Evropian solidarizohet me Shqipërinë.
“Mendimet tona janë me të gjithë ata që janë në zonat e prekura. Ne jemi të gatshëm të ofrojmë ndihmë të mëtejshme. Qendra e Koordinimit për Reagimin e Emergjencave të Bashkimit Evropian është në kontakt të vazhdueshëm me autoritetet shqiptare për të monitoruar nga afër situatën dhe kanalizuar ndihmën e mëtejshme të BE-së”, tha Christos Stylianides.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.