.png)
Komisioni i Disiplinës së UEFA-s ka vendosur të pezullojë procedimin për Juventusin, Real Madridin dhe Barcelonën, tre klubet e fundit që refuzojnë të tërhiqen nga projekti i Super Ligës, në pritje të Gjykatës së Madridit dhe asaj të Këshillit të BE-së. Tre klubet do të marrin kështu pjesë normalisht në kompeticionet europiane.
UEFA kishte hapur një procedim disiplinor më 25 maj, duke kërcënuar me masa 3 klubet për shkelje të kuadrit juridik të saj, ndërsa 9 klubet e tjera që krijuan Super Ligën i shpëtuan këtij procedimi në këmbim të masave më të lehta. Vendimi pritej të merrej para fillimit të Europianit.
“UEFA bën të ditur vendimin për pezullimin e përkohshëm të procedimit disiplinor të hapur kundër Barcelonës, Juventusit dhe Real Madridit në lidhje me të ashtuquajturin “projekti Super Liga”. Vendimi është marrë nga UEFA pas njoftimit nga autoritetet kompetente zvicerane më 2 qershor 2021. Një vendim i marrë pa paragjykime për çështjen e ekzekutimit të urdhrit të gjykatës zvicerane”, – shkruhet në komunikatën zyrtare të UEFA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
