Dy djem dhe një vajzë janë arrestuar në aeroportin e Rinasit, pasi akuzohen për tentativa për kalim të paligjshëm të kufirit me dokumente të falsifikuara.
Në pranga janë vënë të rinjtë I. K., mbajtës i pasaportës italiane të falsifikuar, dhe A. A., 26 vjeç, mbajtës i pasaportës siriane dhe biletë me destinacion Gjermaninë.
“Njëkohësisht, u bë i mundur dokumentimi dhe ndalimi i shtetases M. B., 22 vjeçe në dalje të Republikës së Shqipërisë, në vijim të hetimeve për ngjarjen e datës 23.08.2020, ku shtetasja shqiptare S. D. ka udhëtuar nga Italia në drejtim të Anglisë, e cila është kapur nga autoritetet angleze me dokumente të falsifikuara, kartë identiteti italiane dhe kartë shëndeti me të dhënat dhe gjeneralitetet e shtetases M. B”, thuhet në njoftimin e policisë.
Materialet i kaluan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.