.png)
Është ndaluar një 33-vjeçar dhe është proceduar penalisht një grua që ka tentuar t’i fusë drogë në burg të birit.
Policia e Vlorës njofton se ka ndaluar shtetasin K.K., 33 vjeç, banues në Vlorë për “Prodhim dhe shitje të narkotikëve”.
33-vjeçari dyshohet se dje i ka dhënë një sasi të vogël lënde narkotike kanabis sativa të fshehur në shuallin e një palë atleteve sportive shtetases L.B. dhe më pas kjo e fundit tentoi ta fusë këtë sasi drogë në burgun e Vlorës për t’ia dhënë djalit të saj, i cili është duke vuajtur dënimin për vjedhje.
45-vjeçarja L.B. është proceduar në gjendje të lirë, pasi ka konsumuar veprën penale “Futja ose mbajtja e sendeve të ndaluara në Institucionet e Ekzekutimit të Vendimeve Penale me burgim”.
Policia e Vlorës gjithashtu ka ndaluar shtetasin e shpallur në kërkim F.M., 28 vjeç, banues në Vlorë.
Ndalimi i tij u bë pasi Gjykata e Shkallës së Parë Fier i ka caktuat masën e sigurisë “Arrest në burg” për veprat penale “Kultivimi i bimëve narkotike” dhe “Mbajtja pa leje të armëve të gjahut”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
