Policia e Kurbinit ka arrestuar një 42-vjeçar me rrezikshmëri të lartë i kërkuar për tentativë vrasjeje dhe armëmbajtje pa leje.
Gjatë operacionit policor të koduar “Mamurrasi” u bë e mundur kapja e Bardhok Ndokës, banues në Kurbin bazuar në informacionet e marra nga banorët.
Në datën 29 prill të këtij viti në Mamurras, në bashkëpunim me një person tjetër, ai ka qëlluar me armë zjarri në drejtim të një mjeti tip "BMW", me drejtues K.(N.).Sh.
Gjykata e Rrethit Gjyqësor Kurbin ka caktuar masën e sigurisë “Arrest në burg”, për veprat penale “Vrasja me dashje, e mbetur në tentativë, e kryer në bashkëpunim” dhe “Armëmbajtja pa leje”.
Materialet procedurale do t’i kalojnë Prokurorisë së Rrethit Gjyqësor Kurbin, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.