Taulant Mekollari, 39-vjeçari që sulmoi me makinë një çift bashkëshortësh, është lënë sot në masën e arrestit me burg. Gjykata e Tiranës ka pranuar kërkesën e prokurorisë gjatë vendimit që u dha mesditën e të mërkurës.
Mekollari ka deklaruar se i kishte kryer veprimet e dhunshme në gjaknxehtësi e sipër. Sipas tij, këto pasoja vinin pas problemeve që i ka lënë infektimi me COVID-19.
Ngjarja ndodhi para 2 ditësh në Tiranë në bulevardin “Migjeni” dhe po të mos kishte ndërhyrë polici i “Shqiponjave”, Shkëlzen Tafa gjithçka mund të kishte përfunduar në tragjedi.
39-vjeçari rezulton se është një emër i njohur për policinë. Në vitin 2018, mësohet se ai u kap me drogë dhe me armë. Mekollari, në atë kohë 26 vjeç, është ndaluar nga Policia e Çorovodës për veprat penale të “prodhimit dhe shitjes së lëndëve narkotike” dhe “armëmbajtjes pa leje”.
Ai është kapur i fshehur në një banesë në Tiranë, tek të afërmit e tij gjatë operacionit “kushëriri”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.