Policia ka ndaluar një 29-vjeçar nga Mati, pasi tentoi të futej në Rinas me 15000 paund të padeklaruara.
Policia thotë se në aeroportin e Rinasit, pas analizës së riskut, kanë ndaluar shtetasin me inicialet F. K., 29 vjeç, banues në Mat.
Gjatë kontrollit të ushtruar, 29-vjeçarit në çantën e shpinës iu gjetën dhe sekuestruan në cilësinë e provës materiale 15000 paund.
Në përfundim të veprimeve, shtetasi F. K. u procedua penalisht në gjendje të lirë, për veprën penale “Mosdeklarimi në kufi i të hollave dhe sendeve me vlerë”.
Materialet i kaluan Prokurorisë së Rrethit Gjyqësor Tiranë, për veprime te mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.