.png)
Forcat ushtarake të Serbisë kanë nisur të afrohen me vijën kufitare me Kosovën. Lajmi bëhet i ditur nga gazetari i The Economist, Tim Judah, i cili shkruan se vendimi për të dërguar trupa në kufi mund të përshkallëzojë më tej situatën.
Sipas tij, situata e krijuar në Veri të Kosovës është një ‘mundje duarsh” mes presidentit Aleksandër Vuçiç dhe Albin Kurtit.
“Ushtria serbe raportohet se është afruar drejt kufirit me Kosovën pas vendosjes së Policisë së Kosovës në pjesën veriore të vendit. Tensionet vijnë pasi Qeveria e Kosovës ka vendosur rregulla të njëjta lidhur me licencat e targave me ato të Serbia për target nga Kosova”, ka shkruar Judah në Twitter.
As tensions continue in northern Kosovo, movement of Serbian Army (72nd Special Brigade) in vicinity of Novi Pazar noticed. pic.twitter.com/p2PV8j0ilj
— ZOKA (@200_zoka) September 20, 2021
“Kjo mundje duarsh Vuçiç – Kurti mund të jetë e rrezikshme”, shkruan ai.
Paraprakisht Judah ka shpërndarë një video në të cilën shihen automjete ushtarake të cilat thuhet se janë parë në afërsi të Novi Pazarit.
Tensionet në pikën kufitare në Jarinje kanë bërë që Kosova të shtojë forcat policore që nga mëngjesi i së hënës, kur ka filluar zbatimi i reciprocitetit të targave të Kosovës.
Forcat speciale të Policisë së Kosovës kanë kontrolluar situatën, duke ruajtur rendin.
Same convoy today coming to southern countryside pic.twitter.com/gycF6ReEo2
— ZOKA (@200_zoka) September 20, 2021
Mirëpo, në raportimet e mediave serbe është vënë theksi tek snajperistët e Policisë së Kosovës, të cilët kanë marrë edhe vëmendjen e presidentit Vuçiç. Mediat në Serbi kanë analizuar më kujdes makineritë e blindura të vendosura në kufi nga Kosova, duke shkruar se Prishtina është armatosur nga Amerika.
Duke folur pas mbledhjes së Këshillit të Sigurisë, presidenti kishte përmendur snajperët, duke thënë se “shqiptarët kanë angazhuar snajperistët që të mbulojnë shtëpitë e të rinjve serbë që mund të kundërshtojnë aksionin”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
