Një 48-vjeçar nga Tropoja është arrestuar me akuzën e vjedhjes së 6 pronarëve karroatrecësh, duke i mashtruar se i ishte prishur makina dhe nuk kishte para të paguante.
Në pranga ka rënë Luigj Mrishaj, i cili u arrestua në flagrancë në Durrës, teksa tentoi t’i vidhte 600 mijë lekë të vjetra një 48-vjeçari me iniciale L.M., pronar i një karroatreci.
Policia ka zbardhur edhe skemën se si ky person mashtronte duke vjedhur. 48-vjeçari Luigj Mrishaj telefononte pronarët e karroatracave me pretendimin se i ishte prishur makina dhe më pas u kërkonte atyre para për të paguar servisin.
Pasi iu merrte paratë, largohej me shpejtësi. Nga hetimet ka rezultuar se përveç rastit të fundit, ka kryer edhe 5 vjedhje me të njëjtën skemë.
Më datë 27.02.2021, me anë të mashtrimit i ka vjedhur shumën prej 600 euro, shtetasit E. Ç.;
Më datë 18.03.2021, me anë të mashtrimit i ka vjedhur shumën prej 650 mijë lekë të vjetra, shtetasit A. P.;
Më datë 18.04.2021, me anë të mashtrimit i ka vjedhur shumën 800 euro, shtetasit P. P.
Më datë 18.07.2021, me anë të mashtrimit i ka vjedhur shumën 700 Euro, shtetasit A. G.;
Më datë 21.07.2021, me anë të mashtrimit i ka vjedhur shumën prej 500 Euro, shtetasit S. M.;
Në cilësinë e provës materiale u sekuestrua automjeti tip “Benz” që ky shtetas e përdorte për t’u larguar pasi merrte paratë e përfituara, të cilin e kishte braktisur në Sukth të Durrësit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.