Të gjithë të ardhurit në Shqipëri nga zonat e rrezikut, të prekura nga koronavirusi që kanë hyrë nga Italia në vendin tonë 14 ditët e fundit janë identifikuar nga policia e shtetit. Pikërisht uniformat blu ka në dispozicion numrat e telefonit dhe adresat e tyre dhe po vazhdon sipas kryeministrit Edi Rama operacionin e posaçëm të sensibilizimit dhe të monitorimit të tyre, pasi iu është kërkuar vetëkarantinimi.
Kreu i qeverisë me anë të një postimi në Facebook ka paralajmëruar se policia do të kontrollojë banesat nëse këto banorë po zbatojnë ose urdhrin e dhënë për t'u izoluar. "Bashkëngjitur është mesazhi që u është dërguar këtyre qytetarëve dhe do të vijojnë trokitjet në dyert e tyre për t’u siguruar se po zbatojnë detyrimin e vetëkarantinimit 14 ditor. shkelja e këtij detyrimi ndëshkohet me 5 mijë euro dhe shkelësi do të ndalohet të dalë nga Shqipëria pa paguar gjobën! Ndjesë 1000 herë! po kjo është luftë dhe ndryshe nuk fitohet!", shprehet Rama.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.