Rend dhe Ligj

Të dënuar për drogë dhe mashtrim, ekstradohen 3 persona nga Greqia dhe Italia

Tre shqiptarë, të dënuar për vepra të ndryshme penale dhe të shpallur në kërkim ndërkombëtar, janë ekstraduar sot në vendin tonë.

Policia thotë se është ekstraduar nga Greqia shtetasi Altin Gjergji, 37 vjeç, banues në Pukë, i cili është dënuar nga Gjykata e Rrethit Gjyqësor Pukë, me 6 vjet e 6 muaj burg, për veprat penale “Kultivimi i bimëve narkotike” dhe “Prodhimi dhe shitja e narkotikëve”.

Po ashtu, u ekstradua nga Greqia Renato Rama, 26 vjeç, banues në Tepelenë, i dënuar nga Gjykata e Rrethit Gjyqësor Gjirokastër, me 3 vjet e 4 muaj burg, për veprën penale “Kultivimi i bimëve narkotike”.

Po ashtu, nga Italia u ekstradua sot Ergys Rexha, 31 vjeç, banues në Peqin, i dënuar nga Gjykata e Rrethit Gjyqësor Elbasan, me 2 vjet burg, për veprën penale “Mashtrimi”.


Copyright © Gazeta “Si”



Më Shumë