Art dhe Kulture

Kina censuron tatuazhet e Eugentit

Televizioni i njohur kinez “Mango” ka censuruar performancën e Eugent Bushpepës në gjysmëfinalen e parë të Eurovizion Song Contest 2018, dyshohet për shkak të tatuazheve të dukshme të këngëtarit shqiptar, por edhe performancën e këngëtarit irlandez, Ryan O’Shaughnessy për shkak të elementëve LGBT të këngës.

Bashkimi Europian i Transmetimeve (EBU) ka reaguar menjëherë ndaj televizionit kinez duke i hequr të drejtën e transmetimit të gjysmëfinales së dytë dhe finales së madhe të 12 majit të Festivalit Evropian të Këngës. 

EBU deklaroi se censura nuk përputhej me vlerat e saj për diversitetin.

Eugent Bushpepa me këngën “Mall” do të performojë i 12-ti mbrëmjen e 12 majit në natën finale të Eurosong, që zhvillohet në Lisbonë të Portugalisë.

 

Më Shumë