Nga Gazeta ‘SI’ - Të gjitha institucionet financiare në vend kanë afat deri më 31 Maj 2023, për të raportuar pranë Administratës Tatimore llogaritë e konsideruara si të raportueshme, ato të offshore. Raportimi i cili ka lindur si detyrim ndërkombëtar bëhet në koordinim me vendet e G20 dhe OECD, me qëllim shmangien e grumbullimit të parave jashtë vendit.
Standardi i Përbashkët i Raportimit (CRS) mbi Shkëmbimin kërkon që institucionet financiare të një juridiksioni raportues, të mbledhin dhe raportojnë informacion tek autoritetet e tyre tatimore në lidhje me mbajtësit e llogarive të cilët janë rezidentë të shteteve të tjera.
Mosdorëzimi i një informacioni të tillë ndëshkohet me 10 mijë lekë gjobë.
DPT në Shqipëri shpërndan informacion me 130 vende të tjera.
Ky informacion supozohet të transmetohet automatikisht çdo vit, duke përfshirë të dhëna për balancat e llogarive financiare, fitimet kapitale (përfshirë interesat, dividendët, të drejtat dhe të ardhurat nga shitja e aseteve financiare), të raportuara te qeveritë nga institucionet financiare, duke mbuluar llogaritë e mbajtura nga individët dhe entitetet përfshirë trustet dhe fondacionet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.