Achraf Hakimi negativ, madje edhe në tamponin e dytë të kryer nga Inter, që në një farë mënyre arriti të ishte në garë me kohën për të marrë aprovimin e Ats, për të qenë të paktën në pankinë kundër kuqebluve. Zikaltrit fituan 0-2 në fushën e Genoas, ku i zakonshmi Romelu Lukaku ishte ai që i hapi rrugën suksesit në pjesën e dytë, duke goditur saktë brenda zonës, pas një topi të marrë nga Barela. D’Ambrozio dyfishoi 11 minuta para fundit për Interin, që ngjitet në kuotën e 10 pikëve dhe qëndron pranë kreut të renditjes. Një fitore më shumë vlera për të besuarit e Kontes, që kishin stonuar edhe në Europë, ku nuk arritën ta nisnin me tri pikë.
Ndërkohë, zikaltrit janë tërbuar me Uefa-n sepse lojtari kishte rezultuar lehtësisht pozitiv në testin e kryer nga mjekët e organizmit më të madh të futbollit europian, por në një moment të parë ishte komunikuar negativiteti. Ashtu si negativ rezultoi tamponi 48 orë pasi humbi ndeshjen e debutimit në Champions League kundër Borussia Moenchengladbach.
Klubi i Suning, më shumë se për ndeshjen e humbur, është nervozuar për vonesën e komunikimit për pozitivitetin që e ka lejuar Hakimi të bënte stërvitjen e fundit me grupin (në rast të pozitivitetit real do të kishte rrezikuar të infektonte shokët) e për këtë po vlerëson të gjithë elementët në dispozicion për të protestuar në nivel zyrtar me Uefa-n.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.