Trajneri i Augsburg, Herrlich, kundër Werder Bremen hodhi në fushën e lojës një tjetër talent të ri. Bëhet fjalë për mesfushorin shqiptar Tim Civeja, 19 vjeç , duke tërhequr vëmendjen e opinionit publik gjerman.
Mesfushori shqiptar u aktivizua vetëm për 4 minuta dhe ka dale nga ekipi zinxhir të Augsburgut pasi ka shkëlqyer nga ekipet e moshës ai me meritë është thirrur nga trajneri i ekipit bavarez. I lindur më 4 janar 2002 në Dachau, me origjinë nga Berati, ai luan në mesfushë dhe është një nga lojtarët më interesante të akademisë së ekipit gjerman, që ndjek politikën e promovimit të futbollistëve të saj të rinj.
Vetë Civeja është shprehur shumë i emocionuar për këtë debutim të tij me fanellën e Augsburg. “E konsideroj veten shumë me fat që kam përmbushur ëndrrën time në moshën 19-vjeçare. Jam krenar që e kam bërë këtë me këto ngjyra, por premtoj se kjo është vetëm pika fillestare.”- ka thënë ai. Sipas “Transfermarkt.de”, kartoni i tij vlerësohet rreth 300.000 euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
