Gazeta Si – Pas dy ditësh pushimi në Francë, Rudi Garsia kthehet sot te Napoli për të vazhduar stërvitjen. Skuadra është përgjysmuar nga ndeshjet e kombëtareve, ashtu siç është përgjysmuar edhe besimi i klubit ndaj trajnerit aktual.
Fjalët e presidentit De Laurentis janë të qarta. Një besim i përkohshëm do të thotë mosbesim, kështu që sapo të paraqitet mundësia, ose më saktë sapo presidenti i kampionëve në fuqi do të marrë përgjigjen që do nga Antonio Konte, Garsia do të largohet.
Përgjigja e Kontes mund të vijë orët e ardhshme, pasi trajneri dhe presidenti i Napolit kanë lënë një takim, ku do të diskutojnë për mundësinë e bashkëpunimit. De Laurentis kërkon ta bindë ish-trajnerin e Juventusit, Interit, Çelsit dhe Totenhemit. Nuk do të jetë e lehtë, por kur De Laurentis lëviz personalisht, e bën sepse do të marrë patjetër atë që do.
Nëse merr ‘Po’-në e Kontes, pronari i Napolit do të veprojë pastaj për të zgjidhur raportin me Garsian. Mundësitë janë për një zgjidhje të parakohshme konsensuale të akordit në fuqi.
Nëse Konte nuk jep ‘ok’-in, në sfond janë kandidaturat e tjera, Tudor dhe Galtier. Por janë hipoteza sekondare, De Laurentis do të bëjë gjithçka për të marrë Antonio Konten.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.