.png)
Gazeta Si - Presidentja Tsai Ing-ëen foli për "luftë asimetrike" këtë të enjte përpara trupit të "Hai Kun", nëndetësja e parë e projektuar dhe ndërtuar tërësisht në Tajvan.
Sipas Tsai, njësia "demonstron vullnetin tonë të fortë për të mbrojtur vendin dhe për të zhvilluar një aftësi luftarake asimetrike për sa i përket strategjisë dhe taktikave".
Për disa kohë, Shtetet e Bashkuara, mbrojtës të mëdhenj të demokracisë tajvaneze, i kanë sugjeruar qeverisë së ishullit të rrethuar nga superfuqia kineze të pajiset me armatime më të lehta dhe më të lëvizshme, si nëndetëset.
"Hai Kun" (emri i një peshku mitik dhe të madh që gjithashtu mund të fluturojë, sipas literaturës klasike kineze), është i pari i një klase të re nëndetësesh "indigjene", të pajisura me motorë naftë, energji elektrike dhe silurët e furnizuar nga amerikanët.
Anija e parë, e nisur këtë të enjte në një ceremoni në bazën jugore në Kaohsiung, do t'i nënshtrohet një viti provash detare.
Janë planifikuar gjithsej tetë nëndetëse të kësaj kategorie, të cilat kur të jenë në funksion, duhet të lejojnë mbrojtësit tajvanezë të krijojnë një bllokadë detare kundër rivalëve kinezë.
Por është një garë me kohën, sepse rreth ishullit, Ushtria Çlirimtare Popullore po intensifikon stërvitjet e saj të rrethimit dhe shkurton linjat e furnizimit.
Nëse testet shkojnë mirë, dy nëndetëset e para tajvaneze duhet të hyjnë në shërbim në vitin 2027.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
