.png)
Deputetja e PD-së, Jorida Tabaku thotë se shqiptarët po preken gjithnjë e më shumë nga inflacioni pavarësisht pretendimit të qeverisë.
“Shifrat dëshmojnë se inflacioni socialist ka rritur çmimet e produkteve dhe ka varfëruar më shumë shqiptarët.
Sipas të dhënave një familje shqiptare shpenzon në vit 761 euro për fruta dhe perime, duke u renditur në vendin e dytë dhe duke lënë përpara Zvicrën që ka të ardhurat për frymë 91 mijë dollarë/capita.
Familjet shqiptare shpenzojnë 42% të të ardhurave të tyre për të blerë fruta dhe perime të konsumit të përditshëm. Mesatarja e Bashkimit Euorpian është ajo e 13% në konsumin e shportës bazike.
Përse ekonomia është në krizë?
Bujqësia është në falimentim e sipër ndërsa qeveria nuk ka asnjë politikë pro-bujqësisë dhe blegtorisë. Punimi i tokës ka rënë, rritja e bujqësisë në rritjen e përgjithshme ekonomike është në rënie ndërkohë që politikat kryesore ekonomike të qeverisë janë për betonim dhe jo prodhim.
Në kushte të tilla tregu i brendshëm po shkatërrohet, ekonomia e familjeve shqiptare po varfërohet kurse politika ekonomike dhe fiskale e qeverisë punon në të kundërt”, shkruan ajo në Facebook.
Por si mund të dilet nga kriza? “Duke shëruar ekonominë nga kapja e tregut, ligjet që bëhen për interesa të një pakice dhe një politikë fiskale për qytetarët. Duhet veç pak; vendosja e njerëzve në qendër; jo e pakicës por shumicës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
