Trend

Syze smart! Me një buton mund të ndryshosh ngjyrën dhe të marrësh telefonata

Janë krijuar syzet e para smart që errësohen me klikimin e një butoni.

Ngjyra e syzeve Ampere mund të rregullohet përmes një aplikacioni për celular ose nga një buton. Modeli i syzeve ka altoparlantë dhe mikrofon dhe mund të luajë muzikë ose të marrë telefonata.

Syzet e diellit janë bërë me lente elektrokromike, të cilat errësohen në përgjigje të një sinjali elektronik, duke i dhënë përdoruesit kontroll më të saktë.

Syzet thuhet se bllokojnë 100 përqind të rrezeve UVA / UVB dhe mund të zhvendosen nga një nuancë drite 35 përqind në një ditë me re në një nuancë më të errët prej 3 përqind për ditët më me diell.

Teknologjia po bëhet një opsion më i popullarizuar për xhamat e makinave dhe madje edhe ndërtimin e ndërtesave.

Ato duken si Ray-Ban dhe janë shumë të lehta.

Syzet e diellit të personalizuara kanë gjithashtu një sistem audio ku njerëzit mund të dëgjojnë muzikë, pa i shqetësuar të tjerët dhe pa qenë nevoja e kufjeve.

Një mikrofon i integruar gjithashtu lejon përdoruesit të bëjnë thirrje ose të japin porosi për Sirin.

Syzet mbajnë shtatë ditë karikim nëse përdoren vetëm si syze dielli dhe katër orë nëse përdoren të gjitha aplikacionet dhe më pas mund të karikohen. Ato janë rezistente ndaj ujit për aq kohë sa nuk qëndrojnë për një kohë të gjatë në të.

Ato do të dalin në shitje në gusht dhe mendohet se do të kushtojnë 249 dollarë.


Copyright © Gazeta “Si”


Më Shumë