Gazeta Si – Pas ndeshjeve të së hënës për javën e 25-të, shumë shpejt nis edhe java e 26-të. Ndeshjet e kësaj jave luhen sot dhe nesër, duke qenë se mesjavën e ardhshme luhen ndeshjet e Kupës së Shqipërisë.
Java hapet me një duel interesant, Egnatia-Dinamo. Një ndeshje që luhet pa tifozë, për shkak të dënimit të dhënë një ditë më parë nga Komisioni i Disiplinës për fushën e Rrogozhinës. Egnatia kryesuese nuk fiton prej disa javësh dhe sot vjen me mungesa. Duhet reagim, pasi Vllaznia është afruar 6 pikë.
![](https://gazetasi.al/wp-content/uploads/2024/03/dinamo-egnatia-919x550.jpg)
Dinamo në anën tjetër lufton për 4-shen e parë dhe pas humbjes me Vllaznië synon të marrë pikë në Rrogozhinë. Skuadra e Mehmetit ka një garë në distancë me Tiranën, janë me pikë të barabarta. Tirana luan të shtunën në fushën e Vllaznisë dhe nëse Dinamo merr pikë sot, ka shanse për ta kaluar.
Luhet sot edhe dy ndeshje të tjera të javës së 26-të. Laçi përballet me Skënderbeun, ndërsa në orën 17:00 Partizani do të presë Kukësin e vendit të fundit dhe në krizë të thellë. Një mundësi ideale kjo për Partizanin për t’u rehabilituar pas humbjes në Korçë.
Të shtunën luhen dy ndeshjet e fundit të javës, Teuta-Erzeni dhe Vllaznia-Tirana.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.