.png)
Steve Bannon, një ish-bashkëpunëtor i diskutueshëm i Donald Trump dhe një nga eksponentët më të shquar të së djathtës amerikane, akuzohet për fyerje të Kongresit Amerikan nga komisioni që heton sulmin e 6 janarit, që ai ia rekomandoi Dhomës, me një dokument të miratuar në unanimitet, për të fajësuar zyrtarisht Bannon.
Votimi i Dhomës për mocionin e komisionit të 6 janarit, ka të ngjarë të mbahet të enjten, 21 tetor. Bannon akuzohet për shpërfillje të Kongresit për refuzimin e dëshmisë.
Kështu, Bannon rrezikon përballet me padi në përpjekjen e dëshpëruar të Trump për të penguar llogaridhënien për sulmin ndaj Kongresit.
Në fakt, ish-presidenti i kishte kërkuar ish-strategut të tij që të mos i përgjigjej pyetjeve të komisionit dhe të mos bashkëpunonte në hetim.
"Ne nuk do të pengohemi nga këto forma", - tha Bennie Thompson, një kongresmen i Misisipit dhe kryetar i komitetit, pasi "sjellja e Bannon është e turpshme".
Sipas gjetjeve të komisionit, siç raportohet nga agjencitë amerikane të lajmeve, Bannon dyshohet se ka një rol në aktivitetet që do të kishin inkurajuar disi mbështetësit e Trumpit për të sulmuar ndërtesën e Kongresit.
Hetimet e komisionit, i përbërë nga gjashtë demokratë dhe dy republikanë, synojnë të verifikojnë rolin e ish-presidentit në të gjithë këtë çështje, i cili tashmë ka paralajmëruar një veprim ligjor kundër vetë komisionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
