.png)
Gazeta Si - Gjykata Speciale e Brukselit ka dënuar Salah Abdeslam dhe Mohamed Abrini me përkatësisht 20 dhe 30 vjet burg, të shpallur fajtorë për sulmet terroriste të 22 marsit 2016 në kryeqytetin belg.
Dënimi u komunikua nga kryetari i Gjykatës së Assizes, Laurence Massart. Për gjashtë të pandehurit e tjerë të shpallur fajtorë në korrik, katër për vrasje në një kontekst terrorist dhe dy për pjesëmarrje terroriste, dënimet janë: burgim i përjetshëm për Oussama Atar në mungesë (sepse ai ka vdekur), Osama Krayem dhe Bilal El Makhoukhi; 20 vjet për Sofien Ayari dhe Ali El Haddad Asufi; 10 vjet për Hervé Bayingana-Muhirëa.
Më 22 mars 2016, dy terroristë hodhën veten në erë në sallën e nisjeve të aeroportit Zaventem të Brukselit dhe një terrorist i tretë, një orë më vonë, në një tren metroje në stacionin Maelbeek.
32 persona humbën jetën dhe mbi 300 u plagosën.Tre vdekjet e mëpasshme, të konsideruara si të lidhura me shpërthimet, e çuan numrin përfundimtar në 35, të cilëve u duhet shtuar edhe tre terroristët vetëvrasës.
Salah Abdeslam e ka mohuar gjithmonë përfshirjen e tij, duke pretenduar se ditën e ngjarjeve ai ishte në burg, pasi ishte arrestuar më 18 mars 2016 në Molenbeek.
Megjithatë, 34-vjeçari u konsiderua i përfshirë në sulme, sepse ai shoqërohej me anëtarët e celulës në Bruksel pas sulmeve në Paris dhe ofroi "ndihmë të domosdoshme" për sulmet vetëvrasëse.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
