.png)
Gazeta Si - Gjykata e Apelit në Tiranë shfuqizuar masat e sigurisë për pesë punonjësit e IT-së, nga Ministria e Brendshme dhe Departamenti i Administratës Publike që akuzohen për shpërdorim detyre për sulmin kibernetik ndaj institucionit shtetëror të AKSHI-t që përmbledh gjithë faqet zyrtare qeveritare në Shqipëri.
LEXO EDHE:
Si vepruan hakerët iranianë, sulmi ndaj e-Albania i ndarë nga ai që goditi TIMS-in
Në 30 nëntor të këtij viti, Gjykata e Tiranës kishte caktuar për Altin Sallakun, Rudina Llagamin, Igli Lubonjën dhe Albi Gjekën masën e sigurisë, “detyrim për t’u paraqitur në policinë gjyqësore.
Por, pas ankimeve të bëra nga pesë punonjësit e DAP-it, tashmë vendimi është shfuqizuar nga gjyqtari Genti Shala.
Altin Sallaku kishte detyrat përgjegjës, Sektori i IT në Departamentin e Administratës Publike, Përgjegjës, Sektori i IT në Drejtorinë e Përgjithshme të Burgjeve;
Rudina Llagami ishte Specialiste, Sektori i IT në Departamentin e Administratës Publike, Igli Lubonja, Specialist, Sektori i IT në Departamentin e Administratës Publike dhe Gjeka ishte specialist në Sektorin e IT-së në Departamentin e Administratës Publike dhe të pestë akuzohen për “shpërdorim detyre.”
Që prej vitit 2021, Shqipëria ra pre e sulmeve kibernetike të njëpasnjshme. Një sulm kibernetik u shënua më 15 korrik të këtij viti, që bllokoi shërbimet online në të gjitha faqet zyrtare shtetërore dhe platformën e-Albania.
Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet.
Të dhëna konfidenciale të personave publikë, që nga kreu i SHISH deri tek kryeministri, janë publikuar herë pas herë nga hakerët në faqen “Homeland Justice”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
