Gazeta Si - Një tjetër sulm me armë është regjistruar mbrëmjen e së shtunës në Shtetet e Bashkuara të Amerikës, e kësaj here ngjarja ka ndodhur në Florida.
Sipas CNN, një 20-vjeçar me veshje ushtarake, i armatosur me pistoletë dhe pushkë, vrau 3 afroamerikanë pranë një dyqani në Jacksonville.
Më pas, autori u rrethua nga policia dhe u dyshohet se u vetëvra, ndërkohë që nga hetimet paraprake dyshohet se motivet e krimit kishin prapavijë raciste, lidhur kjo dhe me zvastikat e gdhendura që u gjetën në armët e tij.
Mësohet se vrasësi përpara se të kryente këtë krim me përmbajtje raciste kishte marrë në telefon prindërit e tij, të cilët i njoftoi se çfarë do të bënte dhe iu kërkoi që të publikonin në rrjetet sociale manifestin racist ku fliste se i urrente personat me ngjyrë.
Në një prej armëve të autorit u gjet e vizatuar zvastika e Hitlerit, çka ngre dyshime se ai ishte një mbështetës i këtij grupimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.