Suedia është duke rekomanduar dozën e pestë të vaksinës kundër koronavirusit për njerëzit që rrezikojnë të sëmuren rëndë, duke përfshirë këtu gratë shtatzëna dhe banorët mbi moshën 65-vjeçare, kanë thënë autoritetet të martën, duke shtuar që shteti “duhet të jetë i përgatitur për një rritje të numrit të infektimeve në vjeshtë dhe dimër”.
“Vaksina është mjeti ynë më i fuqishëm për të parandaluar sëmurjen e rëndë dhe vdekjet”, tha ministrja suedeze për Çështje Sociale, Lena Hallengren, duke shtuar se pandemia nuk ka përfunduar.
“Në përgjithësi, rreziku i sëmundjes serioze është i vogël për njerëzit nën moshën 65-vjeçare, të cilët janë vaksinuar me tri doza, mirëpo rreziku rritet me moshën dhe ndryshon varësisht nga grupi", tha Karin Tegmark Wisell, shefe e Agjencisë suedeze për Shëndetin Publik.
Në pjesën më të madhe të pandemisë, Suedia nuk ka vendosur masa kufizuese.
Ky vend nuk ka zbatuar kurrë masa izolimi, dhe as nuk ka mbyllur bizneset, duke e lënë kujdesin në përgjegjësi individuale. (REL)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.