.png)
Kampionët në fuqi të Europës, Bayern Munich, e kanë nisur në mënyrën më spektakolare mbrojtjen e titullit. Skuadra e trajnerit Hansi Flik ka mundur 4-0 Atletico Madridin, duke treguar se nuk do të jetë aspak e lehtë për t’i zbritur gjermanët nga froni. Bavarezët e dominuan takimin nga fillimi deri në fund, duke shënuar nga dy herë në secilën pjesë.
Golat për bavarezët në këtë ndeshje u shënuan nga Koman (2), Goretzka dhe Toliso. Ajo që ra në sy ishte prania e sulmuesit Luis Suarez, i cili debutoi në Champions me fanellën e Atleticos. Bayern Munich duket se i është kthyer në makth Suarezit, pasi në vetëm dy ndeshje, skuadrave të tij gjermanët i kanë shënuar 12 gola.
Ndeshja e fundit e uruguaianit në Champions ka qenë pikërisht ndaj Bayern Munich, ku bavarezët befasuan botën e futbollit me fitoren e tyre 8: 2 ndaj Barcelonës. Në atë ndeshje Luis Suarez shënoi golin e fundit të epokës së tij me Barcelonën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
