Zëdhënësja e qeverisë, ministrja e Shtetit për Marrëdhëniet me Parlamentin, Elisa Spiropali u është përgjigjur deklaratave të kryedemokratit Lulzim Basha pas takimit me aleatët.
Nëpërmjet një postimi në “Twitter”, Spiropali shprehet se Basha duhet ta harrojë 30 qershorin bashkë me Metën, sepse në këtë mënyrë po iu ikën dhe qershori 2021.
“Lulzim aman ndërro pllakën e gramafonit se s’dëgjohet më as ajo kënga monotone, po veç gërvishtjet e pllakës! Ndërroje atë dreq pllake dhe harroje 30 qershorin bashkë me Baba Xhikwn se po të ikën edhe qershori 2021”, shprehet Spiropali në “Twitter”.
Kryedemokrati Basha mëngjesin e sotëm zhvilloi një takim me presidentin Meta në Presidencë, dhe fill pas tij me aleatët e djathtë.
Në një deklaratë për mediat, Basha u shpreh se PD nuk do ta njohë 30 qershorin, duke lënë të hapur mundësinë për të rishikuar propozimin e kreut të shtetit për zgjedhje më 13 tetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.