Gazeta Si - Ish-kreu i Partisë Popullore të Katalonjës, Alejo Vidal-Quadras Roca, 78 vjeç, ndodhet në spital në gjendje të qëndrueshme, pasi u qëllua me armë zjarri në pjesën e fytyrës këtë të enjte në rrugën “Núñez de Balboa”, në qendër të Madridit.
Ish-deputeti i Partisë Popullore, ka qenë duke ecur i vetëm në rrugë kur një person i është afruar dhe e ka qëlluar nga një distancë prej rreth dy metrash.
Policia dhe mjekët shkuan me urgjencë në zonën e Salamanca pasditen e sotme pak para orës 14.00.
Hetuesit thanë se janë në kërkim të dy të dyshuarve që besohet se po prisnin Alejon për ta zënë në pritën e armatosur.
Sipas burimeve mjekësore të raportuara nga mediat spanjolle, gjendja e tij është stabile: plumbi e ka goditur në nivelin e nofullës dhe ka plagë në hyrje dhe në dalje. Vidal-Quadras Roca nuk është në rrezik për jetën e tij.
78-vjeçari Alejo, kandidat kryesor i aleancës Vox – një grup konservator i themeluar në 2014, por pa fituar vende në parlament.
Atentati vjen në një kohë kur qeveria ka realizuar një marrëveshje me separatistët e rajonit të Katalonjës që e ndihmojnë atë të qëndrojë në pushtet, por që ka shkaktuar protesta në vend.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.