Tre ditë pas riatdhesimit në Shqipëri, 5 gratë shqiptare që u kthyen nga kampi famëkeq i Al Holit në Siri, do të merren në pyetje.
Mësohet se prokurorët e strukturës antikorrupsion, do shkojnë në qendrën e posaçme në Durrës për t’i marrë deklarimet.
Përmes marrjes në pyetje SPAK do të verifikojë udhëtimin e tyre nga Shqipëria në drejtim të Sirisë. Gjithashtu burimet bëjnë me dije se do kërkohet informacion për rekrutuesit financuesit dhe personat që i kanë ndihmuar këto shtetase që të kalojnë nga Shqipëria përmes itenerarit nga Turqia me destinacion final Sirinë.
Më 1 gusht, u riatdhesuan nga kampet siriane të ISIS-it, 5 gra dhe 14 fëmijë.
Sapo kanë mbërritur në Rinas, ata janë dërguar në Durrës, ku do të qëndrojnë për disa ditë në karantinë e ku do u bëhen të gjitha trajtimet mjekësore dhe psikologjike.
Ndërkohë në kampet Al Hol dhe Roj, kanë mbetur edhe rreth 30 gra dhe fëmijë, të cilët përmes mesazheve zanore dërguar familjeve, shprehen se dëshirojnë të kthehen në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.