.png)
Opozita ka kërkuar ndryshimin e rendit të ditës në Kuvend, duke kërkuar debat për rastin e Vlora Hysenit dhe llogari nga kryeministri Edi Rama për përzgjedhjen e saj në krye të SHISH. Por, shefi i qeverisë ndodhet në SHBA për punimet e Asamblesë së OKB-së.
“Kuvendi i Shqipërisë duhet të kërkojë urgjentisht nga kryeministri Edi Rama që të japë informacione dhe shpjegime mbi përzgjedhjen e shtetases Vlora Hyseni në këtë detyrë, duke pasur parasysh rekordet e saj problematike në Republikën e Kosovës, si dhe veprimtarinë e saj ën drejtimin e Shërbimit Informativ Shtetëror, të debatojë mbi përgjegjësitë institucionale, si dhe të vlerësojë marrjen e masave të nevojshme për të parandaluar fenomene të tilla në të ardhmen”, thuhet në kërkesën e grupit të PD.
Para nisjes së senacës plenare, ministri i Drejtësisë Toni Gogu tha se përgjegjësia penale është individuale. Sipas tij, përgjegjësia politike u mor me vendimin për ta shkarkuar Hysenin nga drejtimi i Shërbimit Informativ Shqiptar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje