.png)
Gazeta Si – Edhe pse jemi në muajin prill, lëvizjet e futbollistëve vazhdojnë për ato kampionate që sapo kanë nisur, ose nuk kanë nisur akoma. Skënderbeu sapo ka mbyllur marrëveshjen për shitjen e sulmuesit nigerian Frenklin Ahanonu në Kazakistan.
Lojtari do të kalojë tek Astana, një skuadër e njohur në arenën ndërkombëtare, pasi merr pjesë rregullisht në kompeticionet europiane, duke shkuar madje edhe në grupet e Championsit.
Nga kjo lëvizje Skënderbeu do të përfitojë 600 mijë euro, një shifër e konsiderueshme. Sulmuesi 22-vjeçar ka spikatur këtë sezon me ekipin korçar, duke shënuar 9 gola.
Skënderbeu është një nga klubet ekspertë për shitjen e lojtarëve jashtë Shqipërisë dhe Frenklin është rasti i fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
