.png)
Gazeta Si – Një tjetër skandal me sfond seksual ka shpërthyer në Premier Ligë. Sipas të përditshmes angleze "The Sun", një futbollist, emri i të cilit nuk është bërë ende i ditur publikisht, ka organizuar shpesh ‘sexy party’.
Në këto festa "modelet që kanë marrë pjesë kanë qenë të detyruara për të dhënë zyrtarisht konsensusin e tyre për praktika erotike”, - shpjegon tabloidi anglez "The Sun".
E gjitha kjo është zbuluar nga shtypi pas dëshmisë së një prej modeleve pjesëmarrëse në këto ‘sexy party’. Kjo modele është urdhëruar të dorëzojë celularin e saj në hotelin me 5 yje në Londër, ku është organizuar një nga festat e shumta të kësaj natyre.
Për “The Sun”, modelja ka deklaruar: "Ishte një çmenduri. Ishin disa futbollistë të Premier Ligës në shtrat me disa vajza”. Për momentin ky është një hetim i një prej të përditshmeve më të mëdha në Angli.
Dëshmia e modeles është në vazhdën e disa provave për ekzistencën e këtyre festave seksuale të organizuara nga futbollistët e Premier Ligës. Ditët në vazhdim mund të ketë të reja të tjera në lidhje me këtë ngjarje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
