.png)
Kryeministri Edi Rama zbardh shifrën 6 mln dollarë të fondit të emergjencave dhe paketën e masave post-tërmet. Rama deklaroi se fatura e dëmtimeve të shkaktuara nga tërmeti i 21 shtatorit është shumë më e madhe se fondi rezervë në dispozicion, por do të plotësohet me fondet solidare, pjesë e së cilës është edhe Banka Europiane për Investime që ka shprehur dëshirën për të kontribuuar.
Paketa e masave post-tërmet që është miratuar në mbledhjen e fundit të qeverisë detyron të gjitha ndërtimet e reja përpara se të aplikojnë për lejen, të pajisen me policën e sigurimit.
“Leja e Ndërtimit për godina kolektive do të lidhet me sigurimin. Nuk do të jepet leje ndërtimi pa policën e sigurimit. Atë duhet ta disponojnë që në fillim arkitektët, investitorët a grupet e ndërtimit e duhet ta depozitojë investitori në dosje. Kompanitë e sigurimit do të duhet të garanatojnë zbatimin e saktë të lejes.” – tha kryeministri Rama.
Ky detyrim, argumentoi ai, do të garantojë blerësit dhe autoritetin që ka dhënë lejen se godina përputhet me atë që është dhënë leja dhe me atë që do të paguhet.
Në të kundërt, theksoi Rama, do të shkojnë të dyja palët përpara ligjit.
Sistemi drejtësisë që është ende hapësirë zullumi, vijoi sqarimin kryeministri, ka shërbyer për disa ndërtues që kanë abuzuar haptas. “Do të bëjmë të mundur që të mos ketë asnjë të mashtruar.”-tha ai duke vijuar se nuk do të ketë më ndërtime me shkelje, pasi ka ende godina me problematika nga ana ligjore.
Paketa e masve post-tërmet parashikon gjithashtu përjashtimin nga takasa e ndikimit në infrastrukturë për të gjitha investimet në banesat e dëmtuara.
Në këtë kuptim, të gjitha prokurimet me vlerë të vogël deri në 1 mln lekëdo të jenë me procedura të thjeshtuara, pasi siç e shpjegoi kryeministru, ka shumë nevoja që kushtojnë pak në raport me volumin e përgjithshëm por kanë impakt të rëndësishëm në jetën e njerëzve.
Do të ketë një përshpejtim gjithashtu të procedurave të ndërtimit e meremetimeve të ndërtesave të familjeve me pasoja nga tërmeti.
“Ka familje që kanë kërkuar lehtësim të procedurave sepse nuk duan të ecin me projektet tip që ne kemi përgatitur për rastet kur do të na duhet të bëjmë ndërtimin nga e para të godinës.”- tha Rama.
Këto familje do ta marrin lejen brenda 5 ditësh dhe pa paguar asnjë taksë.
Familjet e prekura më rëndë, banesat e të cilave janë të pajetueshme do t’ju zerohen të gjitha borxhet e detyrimet ndaj Operatorit të Shpërndarjes së Energjisë Elektrike dhe kompanive të ujësjellësit dhe do të marrin rimbursimin që paarshikon ligji sikur të jetonin në banesë.
Kurse për familjet e tjera do të lehtësohen detyrimet nisur nga shkalla e dëmit të vlerësuar.
Paketa e masave e miratuar në mbledhje qeverie parashikon edhe kolaudimin e ashesonsërve.
“Kemi marrë një vendim me impakt afatgjatë; masat detyruese për ndërtuesit, zhvilluesit, investitorët, për kontratë 10 vjeçare për përfituiesit, blerësit që të mbulohen dëmet ndaj të tretëve për shkak të defektit, apo terrenit. Institucionet do të kryejnë oponencën teknike për çdo ndërtesë me akses publik pavarësisht vlerës.”- tha Rama.
Gjithashtu është vendosur edhe për një sërë studimesh të thelluara për planifikimin e territorit që lidhen me fenomenet natyrore.
Për ata që janë të shqetësuar nga plasaritjet e godinave apo rasti i godinave të ndara pas tërmetit, kryeministri siguroi në bazë të vlerësimive të Instituit të Ndërtimit se nuk ka asnjë rrezik momental.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
