.png)
Misioni dukej i pabesueshëm, në mos i pamundur: Të bindje banorët e një qyteti polak të lejonin Tom Cruise të hedhë në erë urën e tyre.
Ishte janar dhe një skenar i një filmi të njohur në Hollivud ishte futur në qytetin Wleń (popullsia: 1,759) me një detyrë për të siguruar që Z. Cruise do të shpërthente një strukturë, që në fil, ku ishte misioni i tij i rradhës. Kjo ishte e pamundur sepse skena do të përfshinte hedhjen në erë të një treni që kalonte mbi një urë.
Një vendkalim hekurudhor i braktisur në skajin e qytetit përshtatej shumë mirë. Kompania Paramount Pictures do ta riparonte, pastaj do ta hidhte në erë.
“Më pas, do të ndihmonte në financimin e një ure të re, trenat e së cilës do të sillnin aty shumë turistë të interesuar pas kinemasë,” i tha regjizori Robert Golba, kryetarit të bashkisë së qytetit.
"Miliarda njerëz do ta shikojnë këtë film," tha Golba.
Këtë verë, situata shpërtheu.
Ndërsa merrej leja, banorët shpërthyen të zemëruar papritmas duke mbrojtur urën e tyre antike deri më tani të vogël. Ura Pilchowice është shekullore dhe e ndryshkur, dërrasat e saj prej druri janë liruar dhe l binarët e saj janë të shtrembër. Por për qytetin e saj dhe një komunitet të interesuar për hekurudhën, ura duhet të ruhej me cdo kusht.
"Kjo urë e veçantë është një monument i jashtëzakonshëm pasi është ura më e lartë e trenave në Poloni. Le të themi se regjisori më i famshëm i filmit europian donte të xhironte një film super të famshëm në Nju Jork dhe për qëllimin e këtij filmi ai kishte nevojë për të hedhur në erë kokën e Statujës së Lirisë. A do të thoshin amerikanët: Në rregull, mirë, kjo do të promovojë kulturën tonë në Europë? "", tha Marcin Drews, një video-bloger, banor i zonës i specializuar në dokumentimin e strukturave të braktisura. "
Ura është bërë kohët e fundit një atraksion veror, duke tërhequr dy herë vëllimet turistike të saj të ngadalta, pasi të apasionuarit vijnë për ta parë për herë të fundit. Rreth 15,000 njerëz nënshkruan një peticion duke i kërkuar qeverisë të ndërhynte. Në një letër drejtuar ministrisë së kulturës të Polonisë, Ambasada Amerikane i ka kërkuar qeverisë që të punojë me disa nga personat e përfshirë, megjithëse nuk ka shprehur qëndrimin e Amerikës mbi idenë e shpërthimit. Zyrtarët e qeverisë polake kanë pasur qëndrime kontradiktore.
Golba, i cili kryeson kompaninë e shërbimeve të prodhimit të filmit Alex Stern, është i shqetësuar se detyra e tij po bëhet më e vështirë:
"Askush nuk u kujdes për këtë urë deri më tani," tha ai.
Në një deklaratë, Christopher McQuarrie, shkrimtari i filmit, tha se ai ishte vetëm në kërkim për të hedhur në erë një pjesë të mesme të urës. Duhej të shkatërrohej dhe të rindërtohej për të rikthyer shërbimin hekurudhor.
"Përfundimi: për të hapur zonën për turizmin, ura duhej të rregullohej.
“Ura nuk ka nevojë domosdoshmërisht të shkatërrohet për t'u riparuar. Unë nuk do të doja madje të flisja për këtë qëndrim neokolonial ndaj Polonisë, tha Daniel Gibski, Zëvendës i Konservatorit Rajonal të Monumenteve Historike në qytetin e afërt të Ërocłaë. Ai është kundër xhirimit.
Në Wleń, shumë banorë janë skeptikë.
"Unë kam jetuar shumë gjatë për të besuar se pasi të hidhet në erë një urë do ta rregullojnë atë," tha Teresa Marianna, 76.
Ura e Pilchowice ishte ndër arritjet e fundit të shkëlqyera të Kaiser Wilhelm II të Gjermanisë, në vitin 1912, pak para Luftës së Parë Botërore. Më vonë, ushtarët nazistë që iknin nga trupat sovjetike u përpoqën ta shpërthejnë, por vetëm e dëmtuan lehtë.
Ndërsa Gjermania tërhiqej, Churchill dhe Stalin i dhanë zonën Polonisë së sapoçliruar. Regjimi komunist drejtoi trenat derisa një qeveri kapitaliste ndërtoi autostrada të reja në vitet 1990 dhe 2000 që dërgoi urën hekurudhore të prishej. Treni i fundit ishte në vitin 2016.
Brenda 24 orësh, Hekurudhat Shtetërore të Polonisë i kishin propozuar Z. Eksner të provonte Urën e Pilchowice.
Një pasdite të fundit, turistët po vërshonin në urën dikur të zbrazët në Pilchowice: familje, adoleshentë, një fotograf amator dhe një ekip filmi polak, duke xhiruar një film për fëmijë.
"Ajo që ata nuk e dinë është se ne do ta hedhim në erë dhe t'ua hedhim fajin Amerikanëve,”bëri shaka një anëtar i ekuipazhit.
Burimi: The Wall Steet Journal. Përktheu:Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
