.png)
A ju ndodh ndonjëherë që t’i hapni dyert e makinës për dikë tjetër? Ose për shembull zgjidhni të parkoni makinën pranë një mjeti tjetër edhe nëse parkimi është bosh. Këto janë disa gjëra që ne i bëjmë pa vetëdije. Në këtë artikull ju do të gjeni se çfarë mendojnë shkencëtarët në lidhje me këtë gjë. Ajo çfarë rezulton është se çdo rregull i pashprehur e ka një shpjegim të thjeshtë:
Ia ulni volumin muzikës kur jeni në një vend të panjohur
Imagjinoni sikur jeni duke udhëtuar drejt një takimi të rëndësishëm në një vend të panjohur. Ndoshta e keni vënë re tek vetja ose e ulni volumin e radios ose e fikni plotësisht për t’u përqëndruar në rrugë në mënyrë që të mos humbisni.
Preferoni të parkoni makinën pranë një makine tjetër edhe nëse parkimi është bosh
Kjo shpjegohet me faktin se njerëzit janë qënie të shoqërueshme. Ne shpesh ndjekim turmën dhe kjo është arsyeja pse në një situatë normale, ne parkojmë makinës pranë të vetmes makinë në parking. Rob Henderson, një asistent kërkimor në Universitetin Yale, analizoi hulumtimin mbi këtë temë dhe përmendi disa arsye pse njerëzit ndjekin turmën.
- Një prej tyre është për shkak se numri i produkteve dhe shërbimeve rreth nesh është i ngritur në qiell. Nuk kemi kohë të mjaftueshme për t'i testuar të gjithë. Kjo është arsyeja pse ne përdorim gjëra që tashmë janë testuar nga shumica.
Burrat nuk përdorin dy tualete ngjitur
Tualetet publike nuk janë një vend shumë i këndshëm edhe nëse janë krejtësisht të pastra. Hapësira personale dhe konfidencialiteti janë të rëndësishme për të gjithë ne. Megjithatë, ekzistojnë gjithashtu përjashtime për këtë rregull - si njerëz të pa turp dhe pa takt. Sidoqoftë, pjesa më e madhe e djemëve nuk do të donte të përdorte tualetin teksa e shikon dikush tjetër. Kjo është arsyeja pse burrat preferojnë të përdorin tualete të vendosura në një distancë nga njëri-tjetri.
Nuk e marrim copën e fundit të pizzës
Shkencëtarët Daniel A. Effron dhe Dale T. Miller nga Stanford University kanë specifikuar gjatë hulumtimit të tyre se njerëzit në një kompani të madhe nuk marrin pjesë të fundit të pizzas, apo çamçakëzën e fundit në një pako sepse ata nuk mendojnë se kanë këtë të drejtë. Specialistët e quajtën këtë fenomen përhapjen e të drejtës.
Nuk blejmë gjëra të shtrenjta apo të lira
Në thelb, ne përpiqemi të shpenzojmë paratë tona në mënyrë racionale. Dhe kjo është arsyeja pse ne zakonisht zgjedhim produkte me një çmim dhe cilësi që përputhen mirë. Kjo është arsyeja pse kryesisht ne preferojmë të mos blejmë mallra të shtrenjta apo të lira. Në rastin e parë, sipas mendimit të konsumatorit, çmimi mund të mbivlerësohet, ndërsa në rastin e dytë është cilësia e produktit që mund të rrezikohet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
