Si t'i përgjigjeni pyetjes së intervistës "Pse e doni këtë punë?"

Intervistat e punës janë tepër të rëndësishme për të siguruar punën që dëshironi, por është e rëndësishme që të dini të qëndroni larg nga përgjigjet e përgjithshme që japin zakonisht kandidatët e tjerë. Curtis Peterson u intervistua kohët e fundit për pozicionin e menaxherit të marketingut digjital në SmartFile, një kompani indiane që ofron shërbime të sigurta për ndarjen e skedarëve, kur intervistuesi i tij e pyeti: "Pse e doni këtë punë?"

Ja se si Peterson u përgjigj:
"E dua këtë punë sepse gjithmonë kam dashur të ndërtoj dhe të menaxhoj faqet e internetit, madje që kur isha fëmijë. Gjithmonë kam qenë i apasionuar për marketingun dixhital, por unë thjesht nuk e dija se mund të bëja një karrierë duke fituar besimin e njerëzve nga një faqe interneti", u përgjigj Curtis, i cili e fitoi punën për të cilën u intervistua.
Kur ju pyesin në një intervistë, "Pse e doni këtë punë?" ju mund të përdorni hapat e mëposhtëm.

Tregoni se si përputhen aftësitë tuaja;
Tregoni entuziazmin tuaj për këtë punë;
Dhe tregoni se si përshtateni në kulturën e punës.

Përgjigja e Peterson ilustron atë që menaxherët e punësimit me të vërtetë duan të marrin kur e paraqesin këtë pyetje: një ndjenjë se kush jeni me të vërtetë, si dhe një ndjenjë se si do t'i përshtatni dhe t'i shtoni vlerë organizatës. Të tre përbërësit më poshtë do t'ju ndihmojnë të krijoni një përgjigje perfekte që do t'ju mbajë në lojë. Një gjë që nuk duhet të thoni në përgjigje të kësaj pyetjeje është "Për shkak se kam nevojë për një punë." Kjo tregon mungesën e pasionit dhe sugjeron që ju nuk mund të lëvizni nëse merrni një ofertë më të mirë.

Tregoni se si përputhen aftësitë tuaja
Në çdo pikë të intervistës, ju duhet të tregoni aftësitë tuaja dhe aftësinë për të zgjidhur problemet janë një përshtatje e mirë për kompaninë. Kthehuni tek përshkrimi i punës dhe bisedat tuaja më të hershme me menaxherët e punësimit për të marrë një rishikim se çfarë po kërkoni dhe për të krijuar përgjigjen tuaj rreth kësaj.

Tregoni entuziazmin tuaj për këtë punë
Përgjigja juaj duhet të tregojë se ju do të jeni në gjendje të përdorni ose të mësoni aftësitë kryesore në pozicionin që janë të rëndësishme për ju, thotë Dawn C. Reid, pronar i Reid Ready Life Coaching në Clementon, New Jersey. Ndërsa pyetja është për atë që dëshiron, mbani mend se është e rëndësishme për punëdhënësin. Pra, edhe kur flisni për punën që po pretendoni të fitoni, në radhë të parë vendoni kontekstin se puna juaj do te jetë fitimprurëse për organizatën.

Gjeni një mënyrë për të përmendur perspektivat tuaja afatgjata në kompani.
Ju thoni: "Jam i emocionuar që do kem mundësinë të tregojë aftësitë e mia kompjuterike në këtë pozicion. Kjo është një mundësi që të zhvillojë idetë e mia në kompaninë tuaj.

Tregoni se si përshtateni në kulturë
Kompania nuk ju interviston vetëm për të kuptuar aftësitë tuaja. Ata duan të dinë nëse do të jeni një bashkëpunëtor i mirë. Pra, përgjigja juaj duhet të provojë se qëllimet dhe vlerat tuaja janë të ngjashme me organizatën, thotë A.P. Grow, profesor i asociuar i udhëheqjes në Universitetin e Qytetit të Seattle.

Hulumtimi juaj që ju duhet të bëni para se të niseni për një intervistë punë është lexoni lajmet rreth kompanisë - duhet t'ju japë një ndjenjë të misionit dhe vlerave të firmës. Gjeni pikat ku ato përputhen me historinë tuaj dhe i paraqesin ato në përgjigjen tuaj.
Ju thoni: "Prioritetet e kësaj organizate për etikën, punën në grup dhe efektivitetin përputhen me të miat. Ajo që është më e rëndësishme për mua është gjetja e një vendi ku individët duan të punojnë së bashku, si një ekip i vërtetë. E shoh këtë që pasqyrohet këtu. Këtu ka një lidhje mes asaj që ju nevojitet me atë që unë mund të bëj. Dhepërfitimi shtesë për të pasur të njëjtat vlera dhe interesat e komunitetit më shtyn të dëshiroj të jem këtu më shumë sesa kudo tjetër. "

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.