.png)
Fazat e menopauzës zakonisht fillojnë pas moshës 40-45-vjeçare. Gratë fillimisht përjetojnë disa simptoma që nisin me mungesën e ciklit menstrual, lodhje, depresion, pagjumësi etj.
Luhatje të humorit
Gjatë menopauzës gratë kanë luhatje të humorit, pa asnjë arsye. Me kalimin e kohës luhatjet fillojnë të zbehen së bashku me ndryshimet psikologjike.
Afshe të nxehta
Afshet e nxehta, sidomos gjatë natës, janë një nga simptomat më të zakonshme gjatë menopauzës. Në fazën e fundit të menopauzës këto simptoma përjetohen nga 52.6% e grave. Për t’i lehtësuar këto simptoma, duhet të kufizoni konsumimin ushqimeve pikante, erëzave dhe alkoolit. Dhe, nëse jeni duhanpirëse, duhet të hiqni dorë prej tij.
Vështirësi për të fjetur
Problemet me gjumin janë një nga ankesat më të zakonshme të grave në menopauzë. Këto probleme shfaqen në faza të ndryshme të menopauzës dhe sjellin si pasojë depresionin dhe afshet e nxehta. Me zgjidhjen e këtyre problemeve, edhe gjumi rikthehet në normalitet.
Depresion
Menopauza është një pjesë normale e jetës dhe shumë gra e përjetojnë atë njësoj. Megjithatë, disa prej tyre e përjetojnë më keq sa i përket shëndetit fizik dhe psikologjik. Kjo rrit rrezikun që ato të zhvillojnë depresion.
Probleme me kujtesën
Studimet kanë treguar se shumë gra në fazën e menopauzës shfaqin probleme me kujtesës. Sidomos gratë që përjetojnë afshe të nxehta gjatë natës dhe shfaqin shenja të depresionit, janë më të rrezikuara në këtë pjesë.
Probleme vaskulare
Shkencëtarët nga Universiteti i Kolorados kanë zbuluar një lidhje mes simptomave të menopauzës dhe problemeve vaskulare. Kalimi i menopauzës është një periudhë e vështirë për gratë sa i përket shëndetit vaskular.
Dhimbje koke
Ndërkohë që gratë i afrohen menopauzës, ato përjetojnë dhimbje koke të shpeshta.
Stres
Luhatjet e niveleve të estrogjenit gjatë kalimit në menopauzë rrisin ndjeshmërinë emocionale të grave, duke rritur rrezikun që të zhvillojnë stres psikogjik. Kur kjo ndjeshmëri kombinohet me stresorë psiko-socialë, gratë janë më të rrezikuara që të zhvillojnë simptoma të depresionit. Aktiviteti fizik, joga dhe meditimi mund të ndihmojnë në lehtësimin e këtyre simptomave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
