.png)
Tingëllon si diçka e pamundur kur mendon “200 libra në vit”, por në fakt nuk është aq e vështirë sa mund të mendohet. Charles Chu e nis këtë sfidë me një këshillë të Warren Buffet. Kur e pyetën për sekretin e sukseseve të tij Buffet drejtoi gishtin nga një raft librash dhe tha, lexoni 500 faqe libri çdo ditë. 500 faqe mund të tingëllojë si shumë, për shumicën prej nesh që mendojmë shumë gjëra në të njëjtën kohë . Por Chu vendosi të ndiqte këshillën e Buffet. Dhe shumë shpejt e kuptoi se në të vërtetë nuk ishte aq e vështirë sa ai mendoi në fillim.
Por si mund të lexoni 200 libra në vit?
Këshilla e parë është, mos hiqni dorë përpara se të nisni leximin e një libri.
Chu thotë nuk mund të hiqni dorë vetëm se mendoni se libri ka shumë volum. Matematika e thjeshtë na tregon se është e arritshme, kështu që pjesa e të menduarit është shumë e rëndësishme.
Matematika e thjeshtë: Sipas statistikave, mesatarja e njerëzve në Amerikë lexojnë 200-400 fjalë për minutë. Për më tepër, një libër tipik ka rreth 50.000 fjalë.
Disa llogaritje të shpejta:
200 libra x 50,000 fjalë / libër = 10 milionë fjalë
10 milion fjalë / 400 wpm (shpejtësia e të shkruajturit në tastierë)= 25,000 minuta
25,000 minuta / 60 = 417 orë
Për të lexuar 200 libra, thjesht shpenzoni 417 orë në vit duke lexuar.
Nga një llogaritje e thjeshtë del se; 200 libra * 50.000 fjalë / libër = 10 milionë fjalë, çka përkthehet në një pasuri të vërtetë për mendjen e njeriut.
Gjeni kohën
Mesatarisht, një amerikan shpenzon 608 orë në mediat sociale dhe 1642 orë shikojnë TV çdo vit. Kjo është një total i kombinuar prej 2250 orësh. Në vend që të kaloni kohen duke parë shfaqje televizive pa ndonjë rëndësi të caktuar, mund të kaloni kohën duke lexuar. Është e këshillueshme gjithashtu se nëse e nisni këtë rrugëtim letrar të mos e kufizoni vendin apo formën e leximit pasi ai mund të realizohet kudo në formate të ndryshme. Mund të lexoni në telefon në një park, mund të dëgjoni lexime të librave në internet ose kudo tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
