Si i shpenzojnë të pasurit paratë e tyre?

Si u rritë numri i individëve të pasur dhe pasuria e tyre kolektive me rreth 2% vitin e kaluar? Sipas një raporti të ri nga Wealth-X, një kompani që gjurmon pasurinë globale në vitin 2018 kishte 23 milionë individë me vlerë të lartë që zotëronin një vlerë neto prej 62 trilionë dollarësh.

Edhe në mesin e të pasurve, ka përsëri ndarje në kategori: Është vlera e lartë neto dhe pastaj vlera ultra- e lartë-neto. Shumica janë të grupuar në pjesën e poshtme, me gati 90% të individëve me vlerë të lartë neto midis 1 milion usd dhe 5 milion usd. Individë me vlerë ultra të lartë neto konsiderohen të jenë ata që kanë më shumë se 30 milionë dollarë.

Për çfarë i shpenzojnë paratë e tyre?-Njerëzit më të pasur në botë japin shumë nga paratë e tyre. Bamirësia është një nga prioritetet e të pasurve. Pas një rënieje në prag të krizës globale financiare, dhënia e filantropisë është rikuperuar. Megjithatë, krahasuar me të ardhurat e tyre ata japin shumë më pak se individët të cilët janë më të kufizuar. Veprat më të njohura bamirëse në mesin e të pasurve vitin e kaluar përfshinin ata që mbështesin arsimin, shërbimet sociale, artin, kulturën dhe shëndetin. Por përsëri mbetet në vend të dytë pas pasioneve, interesave dhe hobeve të tyre. Individët me të ardhura të larta sipas studimeve kanë interesin më të madh në golf, më pas futboll, ski, basketboll dhe baseball. Interesat në familje, politikë, kafshë dhe gjuhët e huaja janë në fund të 20 vendeve të para.

Kush janë njerëzit më të pasur?-Shumica e të pasurve janë ende burra. Vetëm 16% e individëve me vlerë të lartë neto janë femra. Më shumë se 40% e tyre jetojnë në Amerikën e Veriut, ndërsa një e katërta jetojnë në Europë dhe një pjesë tjetër janë në Azi. Shtetet e Bashkuara kanë më shumë individë me vlerë të lartë neto, ndjekur nga Kina, Japonia, Gjermania dhe Mbretëria e Bashkuar. 10 vendet e para përbënin tre të katërtat e popullsisë globale me vlerë të lartë neto, dhe vetëm nën tre të katërtat e pasurisë së përgjithshme me vlerë të lartë në vitin 2018. Qyteti i Nju Jorkut ka numrin më të madh të individëve me mirëqenie të lartë ndjekur nga Hong Kongu.

Si i bënë paratë e tyre?-Vetëm një përqindje e vogël e njerëzve më të pasur në botë i kanë trashëguar paratë e tyre. Shumica janë përgjegjës për krijimin e një pjese ose të gjithë pasurisë së tyre, sipas raportit. 84% e individëve me vlerë të lartë janë bërë vetë të tillë. Vetëm rreth 5% kanë trashëguar plotësisht paratë e tyre dhe rreth 12% kanë një pasuri që kombinon pasuri të trashëguar dhe të bërë vetë.

Raporti thekson se ndërkohë që pabarazia është rritur në dekadat e fundit, gjatë shekujve të fundit pasuria e trashëguar ka rënë dhe përqindja e individëve të pasur, të cilët e kanë bërë vetë veten të pasur vazhdon të rritet. Ndër industritë që punojnë njerëzit e pasur janë, financa, biznesi dhe investimi, të cilat renditeshin të parat sipas raportit, ndjekur nga prodhimi, teknologjia, shërbimet e biznesit dhe ndërtimi./CNN

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.