Policia ka zbardhur ngjarjen e ndodhur një ditë më parë në fshatin Bungaj të Mirditës, ku u aksidentua për vdekje 68-vjeçari Mark Deda.
Pas veprimeve hetimore ka rezultuar se aksidenti ka qenë i qëllimshëm dhe pasditen e së mërkurës është prerë fletë arresti për autorin e ngjarjes, 60-vjeçarin Mhill Gega, banues në Bungaj në Mirditë.
Ndaj tij është ngritur akuza e vrasjes me dashje dhe materialet janë referuar në prokurorinë e rrethit gjyqësor Lezhë.
Mësohet se autori dhe viktima kishin pasur konflikte të vazhdueshme me njëri-tjetrin prej më shumë se 1 viti dhe për këtë ka qenë në dijeni edhe policia.
Trupi i viktimës u gjet në rrugën e fshatit Bungaj nga banorë të zonës, të cilët njoftuan menjëherë policinë në lidhje me ngjarjen.
Autori e ka goditur nga pas me makinë 68-vjeçarin dhe më pas është larguar, i cili disa orë pas ngjarjes u ndalua nga policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
