.png)
Çmimi i naftës u rrit përsëri këtë të mërkurë, me investitorët që i kanë sytë nga takimi i ardhshëm i OPEC, ndërkohë që furnizimi nga Deti i Zi dhe SHBA ka rënë.
Nafta e papërpunuar Brent kapi 82.54 dollarë për fuçi brenda pak orëve dhe ajo e Teksasit 77.34 dollarë.
Çmimet standarde u rritën me 2%, pasi aleatët e OPEC, përfshirë Rusinë paralajmëruan një shkurtim të mëtejshëm të prodhimit.
Një stuhi masive goditi rajonin e Detit të Zi dhe prodhimi i naftës është shkurtuar me 2 mln fuçi në ditë, nga Rusia dhe Kazakistani duke ushtruar më shumë presion ndaj çmimit dhe furnizimeve.
Vetëm nga Kazakistani prodhimi ditor është ulur me 56%. Tregu i naftës është dëmtuar edhe nga rënia e inventarëve amerikanë, që e ulën prodhimin me mbi 817 mijë fuçi në ditë. /Reuters
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
