.png)
Nga Gazeta ‘Si’- Kryeministri Edi Rama iu përgjigj sot zërave se shteti shqiptar u ka falur investitorëve tokën në Zvërnec të Vlorës, pas ndërtimit të një resorti atje, që ngjalli protesta dhe nga banorët e zonës.
Rama e quajti një lajm të rremë, pasi shteti sipas tij nuk ka pjesë aty duke thënë se është një pronë private.
Sipas tij, investitorët e përfshirë në proces janë seriozë.
“Më vjen të them diçka mbi këtë zhurmën e një lajmi të rremë me demek që shteti po fal Zvërnecin. Shteti nuk po fal asgjë. Ajo është një pronë private dembabadem.
Dhe investitorët e përfshirë në atë proces janë tejet seriozë të cilën atë pronë e kanë marrë nga privatët. Shteti ka pasuri në anën tjetër të projektit ishullin e Sazanit, ku ende sot nuk ka mbaruar negociata pasi Korporata Shqiptare e Investimeve është pjesë e projektit. Dhe toka e ishullit do jetë aty e shtetit shqiptar”, tha Rama.
Kompania që po zhvillon resortin, Zvërnec South Adriatic Development, është regjistruar offshore në formën e një trusti në Holandë, ndërsa pronarët përfitues të saj mbeten anonimë.
Media amerikane e ka lidhur projektin me dy vëllezër miliarderë nga Katari dhe Jared Kushner, dhëndrin e presidentit amerikan, Donald Trump.
Kundërshtarët e projektit këto ditë janë shprehur të shqetësuar se ndërhyrja po realizohet në një zonë të mbrojtur dhe kanë paralajmëruar pasoja të mundshme mjedisore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje