Gazeta Si - "Gjatë 72 orëve të fundit kemi parë progres të konsiderueshëm nga ana e ushtrisë ukrainase në kundërofensivën e saj, veçanërisht në jug, në zonën e Zaporizhias", - ka thënë zëdhënësi i këshillit për sigurinë kombëtare të SHBA-ve, John Kirby, gjatë një bisede virtuale me një grup të ngushtë gazetarësh.
Edhe drejtuesit e lartë ukrainas kanë pohuar se Ukraina po avancon. “Ukraina nu po dështon, po vazhdon përpara në kundërofensivën e saj”, - ka deklaruar ministri i Punëve të Jashtme, Dmytro Kuleba, në një intervistë për ‘Cnn’.
"Nëse Ukraina do të dështonte, do të isha i pari që do të thosha të vërtetën. Por nuk po dështojmë. Partnerët tanë që po na ndihmojnë, përfshirë edhe SHBA-të, e kuptojnë se gjërat po lëvizin në drejtimin e duhur. Është një luftë e ashpër”, - ka shtuar Kuleba.
Vladimir Putin ndërkohë, sipas mediave ruse, së shpejti do të takohet me homologun e tij kinez, Xi Jinping. Presidenti rus u është drejtuar sot fëmijëve që shkojnë në shkollë, duke theksuar se “Rusia është e pathyeshme".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.